иcтoчник: mogilev.mchs.gov.by

Раённы бацькоўскі сход на гэтую тэму, арганізаваны аддзелам па адукацыі і камісіяй па справах непаўналетніх Бабруйскага райвыканкама, прайшоў у раённым Цэнтры культуры.

На сустрэчу з бацькамі-актывістамі ўстаноў адукацыі, законнымі прадстаўнікамі непаўналетніх, чые дзеці прызнаны ў сацыяльна небяспечным становішчы, з якімі праводзіцца індывідуальная прафілактычная работа, прыйшлі прадстаўнікі аддзела ўнутраных спраў райвыканкама, гаррайаддзела па надзвычайных сітуацыях, Бабруйскага раённага сацыяльна-педагагічнага цэнтра, Бабруйскага наркалагічнага дыспансера.

Тэма бяспекі дзяцей тым болей актуальная, што на парозе - працяглыя летнія канікулы: многія школьнікі будуць заставацца дома адны. Як арганізаваць іх вольны час найболей карысна і бяспечна, якія меры прадпрыняць, каб доўгачаканы адпачынак не абярнуўся горыччу і непрыемнасцямі як для саміх непаўналетніх, так і іх сямей, - і давалі парады, рэкамендацыі прадстаўнікі зацікаўленых службаў.

Першы намеснік Бабруйскага гаррайаддзела па НС Павел Шарснёў у мэтах папярэджання бяды, якую здольны прынесці пажар, заклікаў бацькоў у тым ліку не пакідаць без нагляду малалетніх дзяцей.

Газета ´Трыбуна працы´

Бяспека дзяцей - клопат дарослых. Бабруйскi раён.