иcтoчник: bobruisk-rik.gov.by
Магазін па продажы прадукцыі ўласнай вытворчасці адкрыў сёння СВК ´Гігант´ у аграгарадку Вялікія Бортнікі. На ўрачыстасці не абыйшлося без традыцыйнай чырвонай стужкі, якую перарэзалі намеснік старшыні па ідэалагічнай рабоце СВК Анастасія Гацко і в. а. старшыні Бортнікаўскага сельвыканкама Вераніка Падаляк. Яны выказалі ўпэўненасць, што гандлёвы аб´ект будзе запатрабаваны не толькі ў жыхароў аграгарадка і навакольных вёсак, але і гараджан. Бульба, зерне ў асартыменце, розных відаў камбікармы ўласнага прыгатавання - тое, што заўжды карыстаецца попытам як у вяскоўцаў, так і дачнікаў.
- Адкрыццё гандлёвага аб´екта па продажы прадукцыі ўласнай вытворчасці - гэта яшчэ адзін наш крок у накірунку развіцця сельгасарганізацыі, - адзначыла Анастасія Гацко. - А разам і ажыццяўленне мэты - стварыць зручнасць людзям. Цяпер, каб набыць той жа камбікорм, дастаткова зайсці ў краму.
Асартыментам, як яна адзначыла, магазін будзе прырастаць. Тут можна будзе выпіць кубачак кавы, чаю, прахалоднага напою, паласавацца марожаным, булачнай прадукцыяй і інш.
Магазін СВК ´Гігант´ размяшчаецца паўз аўтамабільнай шашы, у пабудове гасцініцы ´Ала´. Працоўны графік фірменнага гандлёвага аб´екта:
аўторак-пятніца - з 9.00 да 18.00, абедзены перапынак з 13.00 да 15.00;
субота - з 9.00 да 14.00;
нядзеля і панядзелак - выхадныя.
Санітарны дзень - першая серада месяца.
У магазіне заўжды рады вас абслужыць. За якасць гэтага адказвае загадчыца і прадавец - Святлана Анатольеўна Міхневіч.
