иcтoчник: www.tribunapracy.by
Цудоўную канцэртную праграму - а інакш і быць не магло - падарылі работнікі культуры раёна тым, хто прыйшоў павіншаваць іх з прафесійным святам. Мерапрыемства прайшло ў раённым Цэнтры культуры і сабрала ў актавай зале людзей творчых прафесій: ад культарганізатараў, бібліятэкараў да настаўнікаў дзіцячай школы мастацтваў, работнікаў раённага гісторыка-краязнаўчага музея. Усіх тых, хто садзейнічае захаванню культурнай спадчыны раёна, хто стварае культуру сучасную, хто, нават пры адсутнасці ўласнага настрою, стварае настрой іншым.
З цёплымі словамі віншаванняў і падзякі за працу да работнікаў культуры, ветэранаў галіны звярнуліся начальнік аддзела ідэалагічнай работы, культуры і па справах моладзі райвыканкама Дзмітрый Вяроўкін, старшыня раённага аб´яднання прафсаюзаў Віталь Сідзюк. Разам з пажаданнямі плённай працы, крэатыўных ідэй і праектаў, здароўя і дабрабыту ўручылі ўзнагароды людзям, чый унёсак у развіццё культуры раёна найбольш прыкметны.
Найлепшыя пажаданні калегам і граматы за шматгадовую паспяховую працу, шчырае служэнне прафесіі адрасавалі лепшым з лепшых работнікаў культуры таксама дырэктары структурных падраздзяленняў, госці ўрачыстасці.
