Пра Дзень абаронцаў Айчыны - з вуснаў дзяцей.

иcтoчник: www.tribunapracy.by

Штогод у нашай краіне 23 лютага адзначаюць Дзень абаронцаў Айчыны і Узброеных Сіл Рэспублікі Беларусь - дзень памяці пра мужнасць і гераізм усіх пакаленняў абаронцаў Радзімы, якія адстаялі свабоду і незалежнасць роднай зямлі.

З-за таго, што асноўны склад войска ва ўсе часы - мужчыны, дзень 23 лютага ў народзе называюць мужчынскім святам і віншуюць з ім тат, братоў, мужоў, дзедаў, прадзедаў, родных і знаёмых мужчын. А ў сувязі з тым, што патрыятычнае выхаванне чалавека ў нашай краіне вядзецца ад пачатку яго ўсведамлення сябе як асобы, то пра 23 лютага і службу ў войску дзеці ведаюць сёе-тое ўжо і ў малечым узросце. У гэтым мы ўпэўніліся, паразмаўляўшы з выхаванцамі і вучнямі пачатковых класаў Міхалёўскага ВПК ´дзіцячы сад-СШ´. Вось некаторыя вытрымкі з дыялогаў, - па-дзіцячы наіўныя, шчырыя, выклікаюць шмат эмоцый - ад здзіўлення да ўсмешкі.

Ева Шлапянкова, 3 гады:

Пра Дзень абаронцаў Айчыны - з вуснаў дзяцей.

- Ці ведаеш пра дзень 23 лютага?

- Так. Гэта свята хлопчыкаў.

- А дзяўчынкі прыгатавалі хлопчыкам падарункі?

- Так. Падарункі тату.

- А як завуць твайго тату?

- Тата Жэня.

- Ці ведаеш, дзе тата працуе?

- Працуе на рабоце.

- А што ён там робіць?

- Робіць работу.

- А мама будзе дарыць тату падарунак на свята?

- Будзе. Сардэчка і торцік.

- А ты што падорыш?

- Я вось (паказвае малюнак). Гэта тата.

Кірыл Хаванскі, 7 год:

- Кірыл, ты ведаеш, якое свята 23 лютага?

- Дзень абаронцаў Айчыны.

- А хто такія абаронцы?

- Ваенныя, салдаты.

- А табе падабаецца глядзець фільмы пра салдатаў?

- Я фільмы не гляджу, толькі мульцікі.

- Але ж ведаеш, што робяць салдаты?

- Яны абараняюць радзіму.

- А як яны абараняюць?

- Не ведаю.

- Што такое Радзіма?

- Краіна, дзе ты нарадзіўся і адкуль ты.

- Ты ведаеш каго-небудзь, хто служыў у арміі?

- Так, Валера - мой сябар.

- А ты сам хацеў бы служыць у арміі?

- Не ведаю.

- Хто ж тады матулю абараняць будзе?

- Тата будзе. Ён у ахове працуе.

Віка Лысенка, 8 год:

Пра Дзень абаронцаў Айчыны - з вуснаў дзяцей.

- Віка, якое свята сёння?

- 23 лютага, Дзень абаронцаў Айчыны.

- Што такое Айчына?

- Гэта наша Радзіма.

- А хто такія абаронцы?

- Тыя, хто абараняюць нашу радзіму.

- А абаронцы якімі павінны быць?

- Смелымі, мужнымі, моцнымі.

- У тваёй сям´і ёсць тыя, хто служыў у арміі?

- Так. Тата і брат.

- Яны табе што-небудзь расказвалі пра службу?

- Брат Паша расказваў, як яны скакалі з парашутам.

- Ён не баяўся гэтага рабіць?

- Не-е!

- Тату свайго лічыш абаронцам?

- Так. Ён смелы!

- У вашай сям´і віншуюць мужчын з днём 23 лютага?

- Так. Мы віншуем тату - маці гатуе яму любімы яблычны пірог і салату, а я раблю святочную паштоўку.

- Каго-небудзь яшчэ з гэтым днём будзеце віншаваць?

- Так: братоў, дзядуль. Праўда, раней у мяне было два дзеда, цяпер толькі дзед Толя.

- А ў класе хлопчыкаў віншуеце?

- Так. Купляем розныя падаруначкі і дорым.

Рома Бандарчук, 7 год:

Пра Дзень абаронцаў Айчыны - з вуснаў дзяцей.

- Ці ведаеш пра Дзень абаронцаў Айчыны?

- Ведаю. У гэты дзень віншуюць мужчын.

- Чаму віншуюць?

- Яны радзіму, нас абараняюць.

- Дзе вучацца абараняць радзіму?

- У арміі.

- Ты б хацеў у армію: навучыцца абараняць радзіму?

- Яшчэ не ведаю.

- Ну а салдацкая форма табе падабаецца?

- Падабаецца.

- А мама тату падарунак будзеце рабіць?

- Пакуль яшчэ не ведаю. У мінулым годзе рабіла.

- Абаронцы Айчыны, як табе здаецца, якімі павінны быць?

- Моцныя, мужныя.

- А як такім стаць?

- Трэба рыхтавацца.

- Як рыхтавацца?

- Спортам займацца.

- Ну і яшчэ адкажы - ты ў якой вёсцы жывеш?

- У Міхалёве.

- У вас ёсць помнікі абаронцам Айчыны?

- Ёсць два: ля клуба і новага магазіна, мы туды ходзім.

Алена КАРПЕНКА. Фота Юрыя ЮРКЕВІЧА.